കുവൈത്ത് സിറ്റി ; കുവൈറ്റിൽ അഗ്നിബാധ. മിനാ അബ്ദുല്ലയിൽ വെയർഹൗസിലാണ് അഗ്നിബാധയുണ്ടായത്. വെയർഹൗസ് പൂർണമായും കത്തി നശിച്ചു. എണ്ണമേഖലയുമായി ബന്ധപ്പെട്ട നിരവധി കമ്പനികളുടെ വെയർഹൗസുകൾ നിലകൊള്ളുന്ന മേഖലയിലെ പ്രമുഖ കമ്പനിയുടെ വെയർഹൗസിലാണ് തീപിടിത്തമുണ്ടായത്.
ഇന്നലെ പുലർച്ചയായിരുന്നു അപകടം. മൂന്നുമണിക്കൂറത്തെ ശ്രമഫലമായാണ് അഗ്നിശമനവിഭാഗം തീ നിയന്ത്രണവിധേയമാക്കിയത്. എണ്ണയും അനുബന്ധ ഉൽപന്നങ്ങളും നിറച്ച വെയർഹൗസിലെ അഗ്നിബാധ സമീപ കെട്ടിടങ്ങളിലേക്ക് പടരുന്നത് അഗ്നിശമന വിഭാഗം തടഞ്ഞതിനാൽ വൻ ദുരന്തം ഒഴിവായി. തീപിടിത്തം നിയന്ത്രണവിധേയമാക്കാൻ പരിശ്രമിച്ച അഗ്നിശമന സേനയെ അമീർ ഷെയ്ഖ് സബാഹ് അൽ അഹമ്മദ് അൽ ജാബർ അൽ സബാഹ് പ്രശംസിച്ചു.
Post Your Comments