ചണ്ഡീഗഡ്: ബിജെപി നേതാവ് സുഭാഷ് ബറേലയുടെ മകന്‍ വികാസ് ബറേലയെ പോലീസ് അറസ്റ്റ് ചെയ്തു. യുവതിയെ അപമാനിക്കാന്‍ ശ്രമിച്ച കേസിലാണ് അറസ്റ്റ്. വിഷയം പാര്‍ലമെന്‍റില്‍ ഉള്‍പ്പെടെ ചര്‍ച്ച ആയതിനു പിന്നാലെയാണ് അറസ്റ്റ്. വിഷയം പ്രതിപക്ഷം കൂടി ഏറ്റെടുത്തതോടെ കേന്ദ്രആഭ്യന്തരമന്ത്രാലയം റിപ്പോര്‍ട്ട് തേടിയിരുന്നു. മുതിര്‍ന്ന ഐഎഎസ് ഓഫീസറുടെ മകളായ 29കാരിയെ ബിജെപി സംസ്ഥാന അധ്യക്ഷന്‍ സുഭാഷ് ബരാളെയുടെ മകന്‍ വികാസും സുഹൃത്ത് ആശിഷും വാഹനത്തില്‍ അര കിലോമീറ്ററോളം പിന്തുടര്‍ന്ന് അപമാനിക്കാന്‍ ശ്രമിച്ചുവെന്നാണ് കേസ്.
നേരായ രീതിയിലാണ് കേസ് അന്വേക്ഷണം നടക്കുന്നതെന്നും, പ്രതികള്‍ ഉടന്‍ പ്രതികള്‍ക്കെതിരെ മുഖം നോക്കാതെ നടപടി സ്വീകരിക്കുമെന്നും ഹരിയാന മുഖ്യമന്ത്രി മനോഹര്‍ ലാല്‍ ഖട്ടര്‍ നേരത്തെ വ്യക്തമാക്കിയിരുന്നു. വികാസ് ബറാലയും സുഹൃത്തും പെണ്‍കുട്ടിയെ കാറില്‍ പിന്തുടരുന്നതിന്‍റെ സിസിടിവി ദൃശ്യങ്ങളുടെ അടിസ്ഥാനത്തില്‍, ഇവരെ രാവിലെ വീണ്ടും ചോദ്യം ചെയ്തിരുന്നു. ഇതിനു പിന്നാലെയാണ് അറസ്റ്റ് ഉണ്ടായത്.
Post Your Comments