വാഷിഗ്ടൺ: യുഎസ് പ്രസിഡന്റ് ഡൊണൾഡ് ട്രംപിന്റെ ട്വീറ്റുകൾ ആമസോണിൽ വിൽപ്പനയ്ക്ക്. ട്വീറ്റുകൾ അച്ചടിച്ച ടോയിലറ്റ് പേപ്പറുകളാണ് ആമസോണിൽ വിൽപ്പനയ്ക്ക് എത്തിയിരിക്കുന്നത്. ആമസോണിൽ 9.99 ഡോളർ വിലയിട്ടിരിക്കുന്ന റോളുകൾ വിപണിയിൽ എത്തിയ ദിവസം തന്നെ വിറ്റു തീർന്നു.
ട്രംപിന്റെ “ഫ്ലഷ് ചെയ്യാവുന്ന’ ട്വിറ്റർ സന്ദേശങ്ങൾ അടങ്ങിയ റോൾ ടോയ്‍ലറ്റ് ട്വീറ്റ്സ് എന്ന റീട്ടെയ്ൽ സ്ഥാപനമാണ് ഓൺലൈൻ വിപണിയിൽ എത്തിച്ചത്. ആവശ്യക്കാർ ഏറിയതോടെ കൂടുതൽ സ്റ്റോക്ക് എത്തിക്കാനുള്ള നീക്കത്തിലാണ് ആമസോൺ. ട്വീറ്റുകൾ അച്ചടിച്ച പേപ്പർ കിട്ടിയില്ലെങ്കിലും വിഷമിക്കാനില്ല, ട്രംപിന്റെ ഫോട്ടോ അച്ചടിച്ചതും ലഭ്യമാണത്രേ ഓൺലൈൻ വിപണിയിൽ. ട്രംപിന്റെ മുഖമുള്ള ടോയിലറ്റ് പേപ്പറിനേക്കാളും ചെറിയ വിലക്കുറവുണ്ട് ട്രംപിന്റെ ട്വീറ്റുകളുള്ള ടോയ്‌ലെറ്റ് പേപ്പറിന്.
2,614 രൂപയാണ് ഒരു റോള്‍ ടോയിലറ്റ് പേപ്പറിന്റെ വില. ഇപ്പോള്‍ 22% ഓഫറും ആമസോണ്‍ ട്രംപ് ടോയിലറ്റ് പേപ്പറിന് നല്‍കുന്നുണ്ട്. മറ്റു ടോയിലറ്റ് പേപ്പറുകളെ അപേക്ഷിച്ച് മികച്ച ക്വാളിറ്റിയും വലിപ്പവും ട്രംപ് ടോയിലറ്റ് പേപ്പറിനുണ്ടെന്നാണ് ആമസോണ്‍ പറയുന്നത്. സാധാരണ ടോയിലറ്റ് പേപ്പര്‍ റോളിന്റെ ഇരട്ടി പേപ്പര്‍ സീറ്റുകളും ഒരു റോളിലുണ്ടെന്നും ആമസോണ്‍ പറയുന്നു. 400 സീറ്റുകളാണ് ഓരോ റോളിലുമുള്ളതെന്നാണ് ആമസോണ്‍ സൈറ്റില്‍ പറയുന്നത്.
Post Your Comments