ഫുജിയാന്‍; റോഡ് മുറിച്ച് കടക്കവേ അപ്രതീക്ഷിത അപകടത്തിൽ നിന്നും രക്ഷപെട്ടത് നാല് ജീവനുകൾ. ചൈനയിലെ ഫുജിയാന്‍ പ്രവിശ്യയിലാണ് ലോകത്തെ ഞെട്ടിച്ച ഈ സംഭവം നടന്നത്. ഒരു നിമിഷം വൈകിയിരുന്നെങ്കില്‍ പാഞ്ഞു വന്ന എസ് യു വി ഇടിച്ച് കുടുംബത്തിലെ ആ നാലുപേരും മരണപ്പെട്ടേനെ. റോഡ് മുറിച്ച് കടക്കുമ്പോൾ വളരെ ഏറെ ശ്രദ്ധിക്കണമെന്ന ചിന്ത ഈ വീഡിയോ കാണുന്ന ഏവരുടെയും ഉള്ളിൽ ജനിക്കുന്നു. കുട്ടികളടങ്ങുന്ന കുടുംബം രക്ഷപെട്ട ദൃശ്യം പീപ്പിള്‍സ് ഡെയ്‌ലിയാണ് ഫേസ്ബുക്കിലൂടെ പുറത്തുവിട്ടത്.
ചൈനയിലെ ഫുജിയാന്‍ പ്രവിശ്യയിലാണ് ലോകത്തെ ഞെട്ടിച്ച ഈ സംഭവം നടന്നത്. റോഡ് മുറിച്ച് കടക്കാൻ ശ്രമിക്കുന്ന ഒരു കുടുംബത്തെ വീഡിയോയിൽ കാണാൻ സാധിക്കും. അവർ റോഡ് മുറിച്ച് കടക്കുന്നതിനിടയില്‍ അമിത വേഗതയില്‍ വന്ന വാഹനം നിയന്ത്രണം വിട്ടു. ഇത് കണ്ട കുടുംബം അല്പം മുന്നോട്ടാഞ്ഞതിനാല്‍ അപകടം ഒഴിവായി. റോഡില്‍ നിര്‍ത്തിയിട്ടിരുന്ന വാഹനത്തെ മറികടന്ന് മറ്റു മൂന്ന് വാഹനങ്ങളെ തരിപ്പിണമാക്കിയ ശേഷമാണ് എസ് യു വി നിന്നത്.
Post Your Comments