ബാരഹോതിയിൽ ചൈനീസ് പട്ടാളത്തിന്റെ കടന്നുകയറ്റം

ന്യൂഡൽഹി: ഉത്തരാഖണ്ഡിലെ ബാരഹോതിയിൽ ചൈനീസ് പട്ടാളം 2 തവണ കടന്നുകയറിയതായി റിപ്പോർട്ട്. ദേ​ശീ​യ സു​ര​ക്ഷ ഉ​പ​ദേ​ഷ്​​ടാ​വ്​ അ​ജി​ത്​ ഡോ​വ​ലിന്റെ​​ ചൈ​നീ​സ്​ സ​ന്ദ​ർ​ശ​ന​ത്തി​ന്​ ര​ണ്ടു​ദി​വ​സം മു​മ്പ്, ജൂ​ലൈ 25ന്​ ​രാ​വി​ലെ ഒ​മ്പ​ത്​ മ​ണി​യോ​ടെ​യാ​ണ്​ അ​മ്പ​തോ​ളം സൈ​നി​ക​ർ ഇ​ന്ത്യ​ൻ മ​ണ്ണി​ലേ​ക്ക്​ ത​ള്ളി​ക്ക​യ​റി​യ​ത്. കാ​ലി​ക​ളെ മേ​യ്​​ക്കു​ക​യാ​യി​രു​ന്ന​വ​രോ​ട്​ സ്​​ഥ​ലം​വി​ടാ​ൻ നി​ർ​ദേ​ശി​ച്ച അ​വ​ർ ര​ണ്ടു​മ​ണി​ക്കൂ​റോ​ളം ബാ​രാ​ഹോ​തി​യി​ൽ ത​ങ്ങി​യ​ശേ​ഷം തി​രി​ച്ചു​പോ​വു​ക​യാ​യി​രു​ന്നു.

ഇ​ന്ത്യ​ൻ അ​തി​ർ​ത്തി​യി​ൽ​നി​ന്ന്​ ഒ​രു​കി​ലോ​മീ​റ്റ​ർ ഉ​ള്ളി​ലാ​ണ്​ ബാ​രാ​ഹോ​തി . ക​ഴി​ഞ്ഞ വ​ർ​ഷം ജൂ​ലൈ​യി​ലും ഇ​തു​പോ​ലെ ചൈ​നീ​സ്​ പ​ട്ടാ​ളം ഇ​ന്ത്യ​ൻ അ​തി​ർ​ത്തി ക​ട​ന്ന്​ എ​ത്തി​യി​രു​ന്നെ​ന്ന്​ ബ​ന്ധ​​പ്പെട്ട കേ​ന്ദ്ര​ങ്ങ​ൾ വി​ശ​ദീ​ക​രി​ച്ചു. യ​ഥാ​ർ​ഥ നി​യ​ന്ത്ര​ണ രേ​ഖ​യു​ടെ കാ​ര്യ​ത്തി​ൽ ഇ​രു​രാ​ജ്യ​ങ്ങ​ൾ​ക്കും വ്യ​ത്യ​സ്​​ത​നി​ല​പാ​ടു​ള്ള ഭാ​ഗ​മാ​ണി​ത്. ര​ണ്ടു രാ​ജ്യ​ങ്ങ​ളും ത​മ്മി​ൽ വ​ലി​യ പ്ര​ശ്​​ന​ങ്ങ​ളൊ​ന്നു​മി​ല്ലെ​ന്നാ​ണ്​ ചൈ​ന​യി​ൽ ജൂ​ലൈ അ​വ​സാ​നം ന​ട​ന്ന കൂ​ടി​ക്കാ​ഴ്​​ച​ക​ൾ​ക്കു​ശേ​ഷം അ​ജി​ത്​ ഡോ​വ​ൽ വി​ശ​ദീ​ക​രി​ച്ച​ത്. ജൂണ്‍ ആദ്യം ചൈനയുടെ 2 സൈനിക ഹെലികോപ്റ്ററുകൾ അതിർത്തി കടന്നെത്തിയതിനെ കുറിച്ച് വ്യോമസേന അന്വേഷണം നടത്തിയിരുന്നു.ഇരു രാജ്യങ്ങളും സായുധ സേന സാനിധ്യം നിരോധിച്ച മേഖലയാണ് ബാരഹോതി.