കാര്യങ്ങളില്‍ വ്യക്തതക്കുറവ് : വീണ്ടും കാവ്യയുടെ മൊഴിയെടുക്കും

കൊ​ച്ചി: കൊ​ച്ചി​യി​ൽ യു​വ​ന​ടി ആ​ക്ര​മി​ക്ക​പ്പെ​ട്ട കേ​സി​ൽ ന​ടി കാ​വ്യ മാ​ധ​വ​നെ വീണ്ടും ചോ​ദ്യം ചെയ്യും. എന്നാല്‍ കഴിഞ്ഞദിവസം കാവ്യയെ ന​ട​ൻ ദി​ലീ​പി​ന്‍റെ ആ​ലു​വ​യി​ലെ ത​റ​വാ​ട്ടില്‍ വെച്ച് ചോദ്യം ചെയ്തിരുന്നു. കാര്യങ്ങളിലെ വ്യക്തത കുറവാണ് വീണ്ടും കാവ്യയെ ചോദ്യം ചെയ്യാനുള്ള കാരണം. സുനില്‍ കുമാറിനെ തനിക്ക് മുന്‍പരിചയം ഇല്ലെന്നും സുനില്‍ ലക്ഷ്യയില്‍ വന്നതായി അറിയില്ലെന്നും മൊഴിയില്‍ പറയുന്നു. ചോദ്യം ചെയ്യലിലെ വിശദാംശങ്ങള്‍ പരിശോധിച്ച് വരികയാണ്.

കഴിഞ്ഞദിവസം നടന്ന ചോ​ദ്യം ചെ​യ്യ​ലി​നോ​ട് ന​ടി പൂ​ർ​ണ​മാ​യും സ​ഹ​ക​രി​ച്ചെ​ന്നാ​ണ് പോ​ലീ​സ് വൃ​ത്ത​ങ്ങ​ൾ ന​ൽ​കു​ന്ന സൂ​ച​ന. ന​ടി​യെ ആ​ക്ര​മി​ക്കു​ന്ന​തി​ന്‍റെ ദൃ​ശ്യ​ങ്ങ​ൾ പെ​ൻ ഡ്രൈ​വി​ലാ​ക്കി മാ​ഡ​ത്തി​ന് ന​ൽ​കി​യെ​ന്ന് കേ​സി​ൽ പ്ര​തി​യാ​യ പ​ൾ​സ​ർ സു​നി മൊ​ഴി ന​ൽ​കി​യി​രു​ന്നു.

കാ​ക്ക​നാ​ട്ടെ ജ​യി​ലി​ൽ റി​മാ​ൻ​ഡി​ൽ കഴിയുമ്പോൾ ദി​ലീ​പി​നെ വി​ളി​ച്ച സു​നി പെ​ൻ​ഡ്രൈ​വ് കാ​വ്യ മാ​ധ​വ​ന്‍റെ സ്ഥാ​പ​ന​ത്തി​ലെ ബ​ന്ധു​വി​ന് കൈ​മാ​റി​യി​ട്ടു​ണ്ടെ​ന്നും പ​റ​ഞ്ഞി​രു​ന്നു. ദേ​ശീ​യ പാ​ത​യി​ൽ വ​ച്ച് ന​ടി​യെ ആ​ക്ര​മി​ച്ച സു​നി​യും സം​ഘ​വും സം​ഭ​വം ന​ട​ന്ന രാ​ത്രി, കാ​ക്ക​നാ​ട്ടെ കാ​വ്യ മാ​ധ​വ​ന്‍റെ ഉ​ട​മ​സ്ഥ​ത​യി​ലു​ള്ള ല​ക്ഷ്യ എ​ന്ന സ്ഥാ​പ​ന​ത്തി​ൽ എ​ത്തി​യെ​ന്ന് പോ​ലീ​സി​ന് വ്യ​ക്ത​മാ​യി​ട്ടു​ണ്ട്.