പാറ്റ്ന: ബിഹാർ ഗവർണർ കേശരി നാഥ് ത്രിപതി ആശുപത്രിയിൽ. സംസ്ഥാനത്ത് പുതിയ രാഷ്ട്രീയ സമവാക്യങ്ങൾ രൂപം കൊണ്ട ദിവസം തന്നെയാണ് ഗവർണർ കേശരി നാഥ് ത്രിപതി ആശുപത്രിയിലായത്. ശാരീരികാസ്വാസ്ഥ്യം അനുഭവപ്പെട്ടതിനെ തുടർന്നാണ് ഗവർണറെ ആശുപത്രിയിൽ പ്രവേശിപ്പിച്ചത്. ഇന്ദിരാഗാന്ധി ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിലാണ് ഗവർണർ ഇപ്പോൾ. പശ്ചിമ ബംഗാളിന്‍റെകൂടി ഗവർണറാണ് ത്രിപതി.
മുഖ്യമന്ത്രി സ്ഥാനത്തുനിന്ന് നിതീഷ് കുമാർ രാജി സമർപ്പിച്ചതിനു പിന്നാലെയാണ് ഗവർണർക്ക് ശാരീരികാസ്വാസ്ഥ്യം അനുഭവപ്പെട്ടത്. അദ്ദേഹത്തിന്‍റെ ആരോഗ്യനില തൃപതികരമാണെന്നാണ് ആശുപത്രി വൃത്തങ്ങൾ അറിയിച്ചു . നാളെ വീണ്ടും മുഖ്യമന്ത്രിയായി സത്യപ്രതിജ്ഞ ചെയാനുള്ള ഒരുക്കത്തിലാണ് നിതീഷ് കുമാർ. മുഖ്യമന്ത്രിക്ക് സത്യവാചകം ചൊല്ലികൊടുക്കേണ്ട ഗവർണറുടെ ആരോഗ്യനില രാഷ്ട്രീയകേന്ദ്രങ്ങളും ഉറ്റുനോക്കുകയാണ്.
Post Your Comments