മുംബൈ: ടെക് ലോകത്തിന് തന്നെ അത്ഭുതകരമായ ഒരു കാര്യമാണ് റിലയൻസ് ജിയോ അവതരിപ്പിച്ചത്. ഫീച്ചര്‍ ഫോണില്‍ കൂട്ടിച്ചേര്‍ക്കാവുന്ന സാങ്കേതികവിദ്യ മുഴുവന്‍ ഇന്ന് അവതരിപ്പിച്ച ഫോണിൽ റിലയൻസ് ഉൾക്കൊള്ളിച്ചിട്ടുണ്ട്. 2.5 ഇഞ്ച് ഡിസ്പ്ലേ സൈസിലുള്ള ഫോണാണ് ജിയോയുടെ ഫീച്ചര്‍ ഫോണ്‍. 512 എം.ബി റാം, 4 ജി.ബി ഇന്റണല്‍ സ്റ്റോറേജ് എന്നിവയാണ് സവിശേഷതകൾ. ജിയോയുടെ എല്ലാ ആപ്പുകളും ഫീച്ചര്‍ ഫോണിലും ഉള്‍ക്കൊള്ളിച്ചിട്ടുണ്ട്.
കൂടാതെ കേബിള്‍ ഉപയോഗിച്ച്‌ ജിയോ ഫോണിനെ എതുതരം ടിവിയുമായും ബന്ധിപ്പിക്കാന്‍ സാധിക്കും. ആപ്പിള്‍ സിരി, ഗുഗ്ള്‍ വോയ്സ് സെര്‍ച്ച്‌ സിസ്റ്റം എന്നിവക്ക് സമാനമായ വോയ്സ് കമാന്‍ഡ് സിസ്റ്റമാണ് ഫോണില്‍ നിലവിലുള്ളത്. എന്‍.എഫ്.സി ഉള്‍പ്പടെയുള്ള സാങ്കേതികവിദ്യ ഇതിനൊപ്പം കൂട്ടിച്ചേർക്കാൻ ശ്രമിക്കുന്നുണ്ട്. ഡിജിറ്റൽ പേയ്‌മെന്റുകളും ഈ ഫോണിലൂടെ സാധ്യമാകും. അതേ സമയം, വാട്സ് ആപ്പ് ഫോണില്‍ ലഭ്യമാവില്ല. പകരം ജിയോ ചാറ്റ് ആണ് ഉണ്ടാകുക. ഫോണിൽ ശ്രമങ്ങള്‍ നടത്തുന്നുണ്ടെന്നാണ് റിലയന്‍സ് അറിയിച്ചിരിക്കുന്നത്.
Post Your Comments