ശ്രീനഗര്‍ : പാകിസ്ഥാന്‍ വീണ്ടും വെടിനിര്‍ത്തല്‍ ലംഘിച്ചു. നിയന്ത്രണ രേഖയില്‍ പൂഞ്ച് ജില്ലയിലാണ് വീണ്ടും പാകിസ്ഥാന്‍ വെടിനിറുത്തല്‍ ലംഘിച്ചത്. മഞ്ജകോട്ട, ബിംബര്‍ ഗെലി സെക്ടറിലും പൂഞ്ചിലെ ബല്‍ഗോട്ടിലുമാണ് വെടിനിറുത്തല്‍ ലംഘിച്ച് പാക് റേഞ്ചര്‍മാര്‍ വെടിവെയ്പ് നടത്തിയത്. മഞ്ജകോട്ടിലുണ്ടായ വെടിവയ്പില്‍ സ്ത്രീക്ക് പരിക്കേറ്റു. ഇന്ത്യന്‍ സേന ശക്തമായി തിരിച്ചടിച്ചതോടെ പാകിസ്ഥാന്‍ പിന്മാറി.
അതേസമയം, പാക് അതിനിവേശ കാശ്മീരില്‍ തങ്ങളുടെ വാഹന വ്യൂഹത്തിനു നേരെ ഇന്ത്യന്‍ സേന നടത്തിയ ആക്രമണത്തില്‍ നാല് സൈനികരെ കാണാതായതായി പാകിസ്ഥാന്‍ ആരോപിച്ചു. ഇതില്‍ ഒരാളുടെ മൃതദേഹം കണ്ടെത്തിയതായും റിപ്പോര്‍ട്ടുണ്ട്.
Post Your Comments