മുംബൈ: കൊച്ചിയിൽ ആക്രമണത്തിനിരയായ പ്രമുഖ നടിയുടെ പേര് വെളിപ്പെടുത്തിയ സംഭവത്തിൽ പ്രശസ്ത നടൻ കമൽഹാസൻ മാപ്പുപറഞ്ഞു. സംഭവം വിവാദമായതോടെ കമൽഹാസൻ മാപ്പു പറയണമെന്നാവശ്യപ്പെട്ട് ദേശീയ വനിതാ കമ്മിഷൻ നോട്ടീസ് അയച്ചിരുന്നു. ഇതിനു പിന്നാലെയാണ് നടൻ മാപ്പുപറഞ്ഞത്.
ഒരു കമ്മിറ്റിയുടെയും നിർബന്ധത്തിനു വഴങ്ങിയല്ല മാപ്പു പറയുന്നത്. നിയമത്തിനു മുകളില്ല ആരുമെന്നു തിരിച്ചറിഞ്ഞതിനാലാണ് മാപ്പു പറയാൻ തയാറാകുന്നതെന്നും ട്വിറ്ററിലൂടെ കമൽഹാസൻ പറയുന്നു. നടിയെ ആക്രമിച്ച കേസുമായി ബന്ധപ്പെട്ട തന്‍റെ അഭിപ്രായം മാധ്യമപ്രവർത്തരെ അറിയിക്കുന്നതിനിടയിലാണ് കമൽഹാസൻ നടിയുടെ പേര് പറഞ്ഞത്. ഇതേ തുടർന്ന് കമൽഹാസനെതിരെ പോലീസ് കേസ് എടുത്തു. കോഴിക്കോട് നടക്കാവ് പോലീസ് സ്റ്റേഷനിലും, കളമശേരി പോലീസ് സ്റ്റേഷനിലും കമൽഹാസനെതിരെ കേസെടുത്തിട്ടുണ്ട്. കൊച്ചിയിൽ ആക്രമണത്തിനിരയായ നടിയുടെ പേര് വെളിപ്പെടുത്തിയതുമായി ബന്ധപ്പെട്ട് തിരക്കഥാകൃത്ത് എസ്.എൻ. സ്വാമി, നടൻ അജു വർഗീസ് എന്നിവർക്കെതിരേയും കളമശേരിയിൽ കേസുണ്ട്.
Post Your Comments