ഓഫീസിനുള്ളില്‍ വെയ്ക്കാന്‍ ഹെല്‍മറ്റ്: ഉപയോഗം ഇതാണ്

വീടിനുള്ളിലും ഓഫീസിനുള്ളിലും ആയിരിക്കുമ്പോൾ വെയ്ക്കാനുള്ള ഹെൽമെറ്റുമായി ഹോച്ചു രായു എന്ന ഉക്രെയിന്‍ കമ്പനി. ചുറ്റുമുള്ള ബഹളങ്ങളില്‍ നിന്ന് രക്ഷ നേടാനാണ് ഈ ഹെൽമറ്റ്. മറ്റു ബഹളങ്ങളില്‍ നിന്ന് ഒഴിഞ്ഞ് ശാന്തമായിരിയ്ക്കാനും സ്വന്തം ജോലിയില്‍ ശ്രദ്ധിയ്ക്കാനും വേണ്ടിയാണ് ഇത്.

ഗ്ലാസ് ഫൈബര്‍ കൊണ്ടുള്ള ഒരു ഷെല്‍ പോലെയാണ് ഈ ഹെല്‍മറ്റ്. മെംബ്രെയ്ന്‍ ക്ലോത്തും സ്പോഞ്ചും ഉള്ളിലുണ്ടാവും. അതുകൊണ്ടു തന്നെ പുറത്തുള്ള ശബ്‌ദം ഒന്നും നിങ്ങളെ ശല്യം ചെയ്യില്ല. ആള്‍ക്കൂട്ടത്തിനിടയിലും ഒരു പെഴ്സണല്‍ സ്പെയ്സ് നിലനിര്‍ത്തുക എന്നതാണ് തങ്ങളുടെ ലക്ഷ്യം എന്നാണു കമ്പനി വ്യക്തമാക്കുന്നത്.