മദീന: കാണാതായ കരിപ്പൂര്‍ സ്വദേശിയുടെ മൃതദേഹം മദീന എയര്‍പോര്‍ട്ടിലെ ബാത്ത് റൂമില്‍ കണ്ടെത്തി. മലപ്പുറം കരിപ്പൂര്‍ സ്വദേശി അബ്ദുല്‍ റഷീദിന്റെ മൃതദേഹമാണ് കണ്ടെത്തിയത്. കഴിഞ്ഞ 30-ാം തീയതി മുതല്‍ യുവാവിനെ കാണാനില്ലെന്ന് സുഹൃത്തുക്കൾ സാമൂഹ്യമാധ്യമങ്ങളിൽ വാർത്ത നൽകിയിരുന്നു.
എയര്‍പോര്‍ട്ടിലെ ഹജ്ജ് ടെര്‍മിനലിന്റെ അകത്തെ അടച്ചിട്ടിരുന്ന ബാത്ത് റൂമില്‍ നിന്ന് ദുര്‍ഗന്ധം ഉണ്ടായതിന്റെ അടിസ്ഥാനത്തില്‍ ബാത്ത്റൂം ക്ലീനിംഗ് തൊഴിലാളി അധികൃതരെ വിവരം അറിയിച്ചതിനെ തുടർന്ന് നടത്തിയ പരിശോധനയിലാണ് മൃതദേഹം കണ്ടെത്തിയത്. കെ. പി ജസീലയാണ് ഭാര്യ. താഴത്തെ പള്ളിയാലി മുഹമ്മദ് കുട്ടി – ആയമ്മാ മണക്കടവന്‍ ദമ്പതികളുടെ മകനാണ്. നടപടിക്രമങ്ങള്‍ക്ക് ശേഷം മൃതദേഹം മദീനയില്‍ ഖബറടക്കും.
Post Your Comments