തിരുവനന്തപുരം: നടി ആക്രമിക്കപ്പെട്ട കേസിന്റെ അന്വേഷണം മറ്റ് താരങ്ങള്‍ക്കുനേരെയും തിരിയുന്നു. ദിലീപ്, സലിംകുമാര്‍, അജു വര്‍ഗീസ്, സജി നന്ത്യാട്ട് എന്നിവര്‍ക്കെതിരെ ഡിജിപിക്കു പരാതി ലഭിച്ചു. നടിയെ അപമാനിക്കുന്ന തരത്തില്‍ പരാമര്‍ശം നടത്തിയതിനാണ് പരാതി.
മഹിളാ കോണ്‍ഗ്രസാണ് ഡിജിപിക്ക് പരാതി നല്‍കിയത്. ആക്രമിക്കപ്പെട്ട നടിയെ മോശം പരാമര്‍ശങ്ങളിലൂടെ വ്യക്തിഹത്യ ചെയ്തു. മധ്യമങ്ങളിലൂടെ പേര് വെളിപ്പെടുത്തി നടിയെ അപമാനിച്ചു എന്നിവ ചൂണ്ടിക്കാട്ടിയാണ് പരാതി. നടി നുണ പറയുകയാണെന്നും ഇവരെ നുണ പരിശോധനയ്ക്ക് വിധേയമാക്കണമെന്നും സലിംകുമാര്‍ ഫേസ്ബുക്കില്‍ കുറിച്ചിരുന്നു.
ആക്രമിക്കപ്പെട്ട നടിയും പള്‍സര്‍ സുനിയും തമ്മില്‍ അടുത്ത ബന്ധമുണ്ടെന്നായിരുന്നു ദിലീപിന്റെ പരാമര്‍ശം. എന്നാല്‍ രണ്ടുപേരും ഇത്തരം പ്രസ്താവന നടത്തിയതിന് പിന്നീട് മാപ്പു പറഞ്ഞിരുന്നു. നടി നേരിട്ടത് രണ്ടര മണിക്കൂര്‍ നേരത്തെ പീഡനം. എന്നാല്‍ ദിലീപ് നേരിട്ടത് നാല് മാസത്തെ പീഡനമെന്നാണ് സജി നന്ത്യാട്ടിന്റെ പ്രസ്താവന.
Post Your Comments