ഗൗതം വാസുദേവ് മേനോന്‍ ചിത്രത്തില്‍ നായികയായി അനുഷ്കാ ഷെട്ടി. അജിത്തിനെ നായകനാക്കി ഗൗതം വാസുദേവ് മേനോന്‍ ഒരുക്കിയ യെന്നൈ അറിന്താല്‍ എന്ന സിനിമയില്‍ അനുഷ്കാ ഷെട്ടി നേരത്തെ അഭിനയിച്ചിരുന്നു. എന്നാല്‍ തികച്ചും നായികാ കേന്ദ്രീകൃതമായ ഒരു കഥയാണ് ഗൗതം വാസുദേവ് മേനോന്‍ അനുഷ്കാ ഷെട്ടിക്കായി ആലോചിക്കുന്നതെന്നാണ് സൂചന.
ബാഹുബലിയുടെ വിജയത്തോടെ തെന്നിന്ത്യയിലെ താരറാണിയായിരിക്കുകയാണ് അനുഷ്കാ ഷെട്ടി. ധനുഷിനെ നായകനാക്കി എന്നൈ നോക്കി പായും തോട്ട, വിക്രത്തിനെ നായകനാക്കി ധ്രുവനച്ചിത്രം എന്നീ സിനിമകള്‍ ഗൗതം വാസുദേവ് മേനോന്‍ ഒരുക്കുന്നുണ്ട്. ഇതിനു ശേഷമായിരിക്കും പുതിയ സിനിമയുടെ ഔദ്യോഗിക പ്രാഖ്യാപനം.
Post Your Comments