തൃശൂര്‍: ശമ്പള പ്രശ്‌നത്തില്‍ ദിവസങ്ങളായി നടത്തിവരുന്ന നഴ്‌സുമാരുടെ സമരത്തിന് പിന്തുണയുമായി സന്തോഷ് പണ്ഡിറ്റ്. സാംസ്‌കാരിക പ്രവര്‍ത്തകരും സിനിമാ പ്രവര്‍ത്തകരും സമരത്തെ അവഗണിക്കുന്നതിനെ സന്തോഷ് പണ്ഡിറ്റ് വിമര്‍ശിച്ചു.
നഴ്‌സുമാര്‍ നടത്തുന്ന സമരം ഡോക്ടര്‍മാരാണ് നടത്തിയിരുന്നതെങ്കില്‍ രണ്ട് ദിവസം കൊണ്ട് തീര്‍ന്നേനെ എന്നും പണ്ഡിറ്റ് പറയുന്നു. നഴ്‌സുമാരെ അവണിക്കുകയാണെന്നാണ് ഇതില്‍ നിന്നും വ്യക്തമാകുന്നത്. ഐക്യദാര്‍ഢ്യവുമായെത്തിയ സന്തോഷ് പണ്ഡിറ്റിനെ മുദ്രാവാക്യങ്ങളോടെയാണ് ആശുപത്രികളിലെ നഴ്‌സുമാര്‍ എതിരേറ്റത്.
നഴ്‌സുമാരുടെ പ്രശ്‌നങ്ങള്‍ സിനിമയാക്കി പണമുണ്ടാക്കിയവര്‍ പോലും ഈ വിഷയത്തില്‍ തിരിഞ്ഞ് നോക്കിയില്ലെന്നും സന്തോഷ് പണ്ഡിറ്റ് പറഞ്ഞു.
സമരഫണ്ടിലേക്ക് 25000 രൂപ സംഭാവനയും സന്തോഷ് പണ്ഡിറ്റ് നല്‍കി.
Post Your Comments