ബംഗളൂരു : പൊലീസിനെ കുഴക്കിയ കൊലപാതക കേസ് ഒടുവില്‍ ചുരുളഴിഞ്ഞു. യെലഹന്‍ക ന്യൂ ടൗണില്‍ കവര്‍ച്ചാ ശ്രമം തടയുന്നതിനിടെ മധ്യവയസ്‌കന്‍ കൊല്ലപ്പെട്ട സംഭവത്തിലാണ് പൊലീസ് പ്രതിയെ അറസ്റ്റ് ചെയ്തിരിക്കുന്നത്. ഈ മാസം 21നായിരുന്നു കൊലപാതകം നടന്നത്. എന്നാല്‍ പ്രതിയെ കുറിച്ച് പൊലീസിന് സംശയം ഉണ്ടായിരുന്നുവെങ്കിലും ഇയാള്‍ അതിവിദഗ്ദ്ധമായി രക്ഷപ്പെടുകയായിരുന്നു. കൊലപാതകവുമായി ബന്ധപ്പെട്ട് നവീന്‍ കുമാര്‍ മഞ്ഞെഗൗഡയെയാണ് പൊലീസ് അറസ്റ്റ് ചെയ്തത്. ഹാസനിലെ ദൊഡ്ഡഗെനെഗെരെ സ്വദേശിയാണ് ഇയാള്‍.
എസ്എസ്എല്‍സിയ്ക്ക് 75 ശതമാനം മാര്‍ക്കുള്ള ഇയാള്‍ക്ക് പഠനത്തിലേതിനേക്കാള്‍ മറ്റൊരു സവിശേഷമായ കഴിവ് കൂടിയുണ്ട്. വലിയ കെട്ടിടങ്ങളില്‍ അള്ളിപ്പിടിച്ച് കയറുന്നതില്‍ വിദഗ്ധനാണ് ഇയാള്‍. ഇത്തരത്തിലാണ് ഇയാള്‍ കവര്‍ച്ച നടത്താറുള്ളത്. സ്വയം സ്‌പൈഡര്‍മാന്‍ എന്നു വിളിക്കുന്ന നവീനെ വെള്ളിയാഴ്ച രാത്രി ഹസനില്‍ വെച്ചാണ് പൊലീസ് അറസ്റ്റ് ചെയ്തത്.
Post Your Comments