വാരണാസി: ബനാറസ് ഹിന്ദു യൂണിവേഴ്‌സിറ്റിയിലെ ഡോക്ടര്‍ ജഗദീഷ് പിള്ള മൂന്നാം തവണയും ഗിന്നസ് ബുക്കില്‍ ഇടംനേടി. ചൈനയുടെ റെക്കോര്‍ഡ് മറികടന്നാണ് ജഗദീഷിന്റെ മുന്നേറ്റം. ബനാറസ് ഹിന്ദു യൂണിവേഴ്‌സിറ്റിയിലെ വൈസ് ചാന്‍സലര്‍ പ്രൊഫ. ഗിരീഷ് ചന്ദ്ര ട്രിപതി അദ്ദേഹത്തിന് സര്‍ട്ടിഫിക്കറ്റ് കൈമാറി.
പോസ്റ്റ് കാര്‍ഡ് കൊണ്ട് ഏറ്റവും നീളം കൂടിയ ലൈന്‍ ഉണ്ടാക്കിയാണ് ജഗദീഷ് പിള്ള ഈ നേട്ടം കൈവരിച്ചത്. 16300 പോസ്റ്റ് കാര്‍ഡുകള്‍ ഉപയോഗിച്ച് 1284.1 മീറ്റര്‍ നീളത്തിലുള്ള ലൈന്‍ ഉണ്ടാക്കുകയായിരുന്നു.
2016, ഏപ്രില്‍ 19 നാണ് ചൈന 11863 പോസ്റ്റ് കാര്‍ഡുകള്‍ ഉപയോഗിച്ച് ഏറ്റവും നീളം കൂടിയ ലൈന്‍ ഉണ്ടാക്കിയത്. ഇത് 2016 ജൂലൈ 22ന് ജഗദീഷ് മറികടക്കുകയായിരുന്നു.
Post Your Comments