കോയമ്പത്തൂര്‍: കേരളത്തിലേക്ക് കൊണ്ടുവരികയായിരുന്ന കന്നുകാലികളെ തമിഴ്‌നാട് പോലീസ് കസ്റ്റഡിയിലെടുത്തു. ഡ്രൈവര്‍ അറസ്റ്റില്‍. കോയമ്പത്തൂരിലാണ് സംഭവം. മതിയായ സംവിധാനങ്ങള്‍ ഒരുക്കാതെ കാലികളെ കൊണ്ടുപോയതിനാലാണ് നടപടി. 22 കന്നുകാലികളാണ് വാഹനത്തിലുണ്ടായിരുന്നത്. ഇതില്‍ 19 എണ്ണം പോത്തുകളാണ്, മൂന്ന് കാളകളും.
ആവശ്യമായ ഭക്ഷണമോ വെള്ളമോ ഇവയ്ക്ക് നല്‍കിയിരുന്നില്ല. വാഹനത്തില്‍ കുത്തി നിറച്ചാണ് കൊണ്ടു പോയതെന്നും പോലീസ് അറിയിച്ചു. തിരുപ്പൂരിലെ ഗോസംരക്ഷണശാലയിലാണ് കസ്റ്റഡിയിലെടുത്ത കന്നുകാലികളെ നിലവില്‍ സംരക്ഷിക്കുന്നത്.
കന്നുകാലികളെ കര്‍ണാടകയില്‍ നിന്ന് വയനാട്ടിലേക്ക് കൊണ്ടുപോകുമ്പോഴാണ് പോലീസ് കസ്റ്റഡിയിലെടുത്തത്. അറസ്റ്റിലായ ഡ്രൈവര്‍ അഫ്സറിനെ കൂടാതെ വാഹന ഉടമ സാദിഖ് പാഷക്കെതിരെയും കേസ് രജിസ്റ്റര്‍ ചെയ്തതിട്ടുണ്ട്.
Post Your Comments