11 പേരെ വേണ്ടിടത്ത്​ ഏഴു പേരെ വച്ച്​ ക്രിക്കറ്റ്​ കളിക്കുന്ന അവസ്​ഥയാണ്​ വ്യോമസേന അനുഭവിക്കുന്നതെന്ന് വ്യോമസേനാ മേധാവി

ന്യൂഡൽഹി: 11 പേരെ വേണ്ടിടത്ത്​ ഏഴു പേരെ വച്ച്​ ക്രിക്കറ്റ്​ കളിക്കുന്ന അവസ്​ഥയാണ്​ യുദ്ധവിമാനത്തിൻറെ കാര്യത്തിൽ വ്യോമസേന അനുഭവിക്കുന്നതെന്ന്​ എയർ ചീഫ്​ മാർഷൽ ബി.എസ്​ ധനോവ പറഞ്ഞു.

മാവോയിസ്​റ്റുകൾക്കെതി​രെയുള്ള സമരത്തിന് വ്യോമസേന തയാറാണ്​. സർക്കാർ ആവശ്യപ്പെടുകയാണെങ്കിൽ പാക്​ തീവ്രവാദ ആക്രമണങ്ങൾക്കെതിരെ പടയൊരുക്കത്തിന്​ വ്യോമസേന തയാറാണെന്നും ധനോവ ഇന്ത്യൻ എക്​സപ്രസിനു നൽകിയ അഭിമുഖത്തിൽ പറഞ്ഞു.

എന്നാൽ നമ്മുടെ അതിർത്തികുള്ളിൽ നിന്നുള്ള യുദ്ധം പ്രോത്​സാഹിപ്പിക്കരുത്​. യാദൃച്ഛികമായി സംഭവിക്കുന്ന നാശനഷ്​ടങ്ങൾ ഒഴിവാക്കാൻ അതു സഹായിക്കുമെന്നും അദ്ദേഹം പറഞ്ഞു