എൽഡിസി ഹാൾടിക്കറ്റ് കിട്ടാതെ വലഞ്ഞ്‌ പരീക്ഷാർത്ഥികൾ

മലപ്പുറം

ഇന്ന് നടക്കുന്ന എൽഡിസി പരീക്ഷയുടെ ഹാൾടിക്കറ്റ് കിട്ടാതെ വലഞ്ഞു പരീക്ഷാർത്ഥികൾ. മൂന്നു ദിവസമായി പിഎസ് സി സൈറ്റിൽ നിന്നും ഹാൾടിക്കറ്റ് ഡൗൺലോഡ് ചെയ്യാൻ കഴിയുന്നില്ല എന്ന വ്യാപക പരാതി ഉയർന്ന് കഴിഞ്ഞു.

നൂറുശതമാനം ഓൺലൈൻ രജിസ്ട്രേഷൻ സംവിധാനം ആയതിലൂടെ സൈറ്റിൽ നിന്നും തന്നെ യൂസർ നെയിം ഉപയോഗിച്ചാണ് ഹാൾടിക്കറ്റ് എടുക്കേണ്ടത്. അതിനാൽ സൈറ്റ് ബ്ലോക്ക് ആവുന്നതിലൂടെ ഇത് കിട്ടാത്തതായാണ് കാണിക്കുന്നത്.

പരീക്ഷാ സെന്റർ, പേര് മറ്റു വിവരങ്ങൾ കാണിക്കുന്നതിന് ശേഷം ഹാൾടിക്കറ്റ് ഡിസ്പ്ലേ ചെയ്യുന്നതിനായുള്ള പിഡിഎഫ് ഐക്കണിൽ ക്ലിക്ക് ചെയ്യുന്നതോടെ പിന്നീട് ബ്ലാങ്ക് സ്ക്രീൻ ആണ് കാണിക്കുന്നത്. മൂന്നു ദിവസമായി തുടരുന്ന ഈ പ്രശനം പരിഹരിക്കാൻ ഇതുവരെ കഴിയാത്തതിനാൽ നിരവധി പരീക്ഷാർത്ഥികൾ പരീക്ഷ എഴുതാൻ കഴിയാത്ത വിഷമ സ്ഥിതിയാണ് നില കൊള്ളുന്നത്.

വികെ ബൈജു.