പാരിസ്: റിപ്പബ്ലിക് ഒാണ്‍ ദ മൂവ് പാര്‍ട്ടി വന്‍ വിജയവുമായി പാര്‍ലമെന്‍റ് പിടിക്കുമെന്ന് റിപ്പോര്‍ട്ട്‌. ഫ്രാന്‍സില്‍ പ്രസിഡന്റ് ഇമ്മാനുവല്‍ മാക്രോണ്‍ നേതൃത്വം നല്‍കുന്ന പാര്‍ട്ടി ആണ് റിപ്പബ്ലിക് ഒാണ്‍ ദ മൂവ് പാര്‍ട്ടി.
ഒരു വര്‍ഷം മുന്‍പ് മാത്രം രൂപമെടുത്ത പാര്‍ട്ടിയുടെ മിക്ക സ്ഥാനാര്‍ഥികള്‍ക്കും പാര്‍ലമെന്‍ററി പരിചയം തീരെയില്ലാതിരിക്കെയാണ് തുല്യതയില്ലാത്ത വിജയസാധ്യതയെന്നത് ശ്രദ്ധേയമാണ്. 577 അംഗ ദേശീയ അസംബ്ലിയില്‍ 400ലേറെ സീറ്റുകളുമായി വന്‍കുതിപ്പായിരിക്കും പാര്‍ട്ടി നടത്തുകയെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.
ഒന്നാംഘട്ടത്തില്‍ പാര്‍ട്ടി 30 ശതമാനം സീറ്റുകള്‍ നേടുമെന്ന് രണ്ട് എക്സിറ്റ് പോള്‍ സര്‍വേകള്‍ പറയുന്നു. 80^100 സീറ്റുകള്‍ റിപ്പബ്ലിക്കന്‍ കക്ഷി നേടുമെന്ന് സര്‍വേ പറയുന്നു. സോഷ്യലിസ്റ്റുകള്‍ക്ക് ഒന്‍പത് ശതമാനം വോട്ടുകളും ലഭിക്കും. രണ്ടാംഘട്ട തെരഞ്ഞെടുപ്പ് അടുത്ത ഞായറാഴ്ചയായിരിക്കും.
Post Your Comments