ഐ ഫോൺ 7 വൻവിലക്കിഴിവോടെ വിപണിയിൽ

മുംബൈ: ആപ്പിളിന്റെ ഏറ്റവും പുതിയ മോഡലായ ഐ ഫോൺ 7 ഓൺലൈൻ ഷോപ്പിംഗ് സൈറ്റുകളിൽ വൻ വിലക്കുറവിൽ ലഭ്യമാകാൻ തുടങ്ങി. 60,000 രൂപ വിലയുള്ള ഫോണിന് ആമസോണിൽ 24% വരെയാണ് ഡിസ്‌കൗണ്ട്.

പേടിഎമ്മിൽ 45,960 രൂപയ്ക്ക് ഫോൺ ലഭ്യമാണ്. ഇതിനു പുറമെ 5,750 രൂപയുടെ കാഷ് ബാക്ക് ഓഫറുമുണ്ട്. ഇത് കൂടി ചേരുമ്പോൾ 19,790 രൂപയുടെ വിലകുറവുണ്ട്.

4.7 ഇഞ്ച് റെറ്റിന എച്ച്.ഡി ഡിസിപ്ലേ, ഒപ്റ്റിക്കല്‍ സ്റ്റെബിലൈസേഷനോടെയുള്ള 12 മെഗാപിക്‌സല്‍ ക്യാമറ. 4K വീഡിയോ റെക്കോര്‍ഡിങ്, 1334 x 750 റെസലൂഷന്‍, 1960 mAh ബാറ്ററി എന്നിവയാണ് ഐഫോണ്‍ 7ന്റെ പ്രത്യേകതകള്‍. ഐഓഎസ് 10 ല്‍ പ്രവര്‍ത്തിക്കുന്ന ഫോണിന് 32 ജിബി ഇന്റേണല്‍ മെമ്മറിയുണ്ട്.