കോഴിക്കോട്: ഹര്‍ത്താലിനോടനുബന്ധിച്ച് സി.പി.എം. നടത്തിയ പ്രകടനത്തിനിടെ മാധ്യമ പ്രവര്‍ത്തകര്‍ക്കു നേരെകയ്യേറ്റശ്രമമെന്ന് ആരോപണം. ദി ന്യൂ ഇന്ത്യന്‍ എക്‌സ്പ്രസ് ഫോട്ടോഗ്രാഫര്‍ പി.സനേഷിന്റെ കാമറ ചിത്രങ്ങളെടുക്കുന്നതിനിടെ പിടിച്ചു വാങ്ങി തകർത്തതായും പരാതിയുണ്ട്.കേരള ഭൂഷണം ഫോട്ടോഗ്രാഫര്‍ ശ്രീജേഷിന്റെ കാമറയിലെ മെമ്മറി കാര്‍ഡ് പ്രകടനക്കാർ ഊരിയെടുത്തു.
പ്രകടനം നടക്കുമ്പോൾ ചിത്രങ്ങളെടുക്കാൻ ശ്രമിച്ചതിനായിരുന്നു ആക്രമണം.കോഴിക്കോട് ജില്ലാ കമ്മിറ്റി ഓഫീസിലേക്ക് അജ്ഞാതര്‍ വെള്ളിയാഴ്ച പുലര്‍ച്ചെ ബോംബെറിഞ്ഞതിനെ തുടര്‍ന്നാണ് ഇന്ന് ഹർത്താൽ. വടകരയിൽ ആര്‍.എസ്.എസ്. കാര്യാലയത്തിനുനേരെ നടന്ന അക്രമത്തില്‍ പ്രതിഷേധിച്ച് വടകര, കൊയിലാണ്ടി താലൂക്കുകളില്‍ ആർ എസ് എസ് ഹർത്താൽ പുരോഗമിക്കുകയാണ്.
Post Your Comments