സഞ്ജയ് ദത്തിന്റെ പുതിയ ചിത്രത്തിന്റെ സെറ്റിൽ തീപിടിത്തം

സഞ്ജയ് ദത്തിന്റെ പുതിയ ചിത്രമായ ‘ ഭൂമി’യുടെ സെറ്റിൽ തീപിടിത്തം. മുംബൈയിലെ ആർ.കെ സ്റ്റുഡിയോയിലാണ് സംഭവം. ചിത്രത്തിലെ ഒരു പാട്ടിന്റെ ഷൂട്ടിംഗ് നടക്കുമ്പോഴായിരുന്നു സംഭവം. ചിത്രത്തിലെ നായികയായ അദിതി റാവു പരിക്കേൽക്കാതെ രക്ഷപെട്ടു. 300 ഡാൻസേഴ്‌സിനെ വെച്ച് വിപുലമായ ഒരു സെറ്റ് ഒരുക്കിയാണ് ഷൂട്ടിംഗ് നടന്നത്. എന്നാൽ തീപിടിച്ചതോടെ ഷൂട്ടിംഗ് നിർത്തിവെച്ച് എല്ലാവരെയും സുരക്ഷിതമായി പുറത്തെത്തിച്ചതായി റിപ്പോർട്ടുകൾ സൂചിപ്പിക്കുന്നു.

അച്ഛനും മകളും തമ്മിലുള്ള ആഴത്തിലുള്ള ബന്ധം വ്യക്തമാകുന്ന ചിത്രമാണ് ‘ഭൂമി’. ചിത്രം സെപ്റ്റംബർ 22ന് തിയറ്ററുകളിലെത്തും.