ന്യൂഡല്‍ഹി:സ്വിമ്മിങ് പൂളിലേക്ക് വീണ വനിതാ സഹപ്രവര്‍ത്തകയെ രക്ഷിക്കുന്നതിനിടയില്‍ ട്രെയിനിയായ ഐഎഎസ് ഓഫീസര്‍ മുങ്ങിമരിച്ചു.ഹരിയാനയിലെ സോനിപ്പത്ത് സ്വദേശിയായ ആശിശ് ദഹിയയാണ്(30) മുങ്ങി മരിച്ചത്. ഡല്‍ഹി ബേര്‍ സരായിയിലെ ഫോറിന്‍ ക്ലബ് ഇന്‍സ്റ്റിറ്റ്യൂട്ടിലെ സ്വിമ്മിങ് പൂളിൽ തിങ്കളാഴ്ച അര്‍ധരാത്രിയാണ് സംഭവം.
ഇന്ത്യന്‍ ഫോറിന്‍ സര്‍വീസിലേയും റവന്യു സര്‍വീസിലേയും സുഹൃത്തുക്കള്‍ക്കൊപ്പം പാർട്ടിയിൽ പങ്കെടുക്കുമ്പോഴായിരുന്നു സംഭവം.കരയില്‍ നില്‍ക്കുകയായിരുന്ന ഒരു വനിതാ ഓഫീസര്‍ അബദ്ധത്തില്‍ സ്വിമ്മിങ് പൂളിലേക്ക് വീഴുകയും ഇവരെ രക്ഷിക്കാനായി ആശിഷും കൂട്ടുകാരും ശ്രമിക്കുകയും ചെയ്‌തു.
എന്നാൽ വനിതാ ഓഫീസറെ രക്ഷിച്ചതിന് ശേഷമാണ് ആശിഷിനെ കാണാനില്ലെന്ന് ഒപ്പമുള്ളവര്‍ മനസ്സിലാക്കിയത്. തുടർന്നുള്ള അന്വേഷണത്തിൽ ആശിഷ് സ്വിമ്മിങ് പൂളിൽ ഒഴുകി നടക്കുന്നതാണ് കണ്ടത്.പ്രാഥമിക ചികിത്സ നൽകി ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
Post Your Comments