കാറുകൾക്ക് വമ്പൻ വിലക്കുറവുമായി ഔഡി

കാറുകൾക്ക് വമ്പൻ വിലക്കുറവുമായി ഔഡി. ഇന്ത്യയിലുള്ള വിവിധ മോഡലുകൾക്ക് ഒന്നര ലക്ഷം രൂപ മുതല്‍ പത്തു ലക്ഷം രൂപ വരെ വിലക്കുറവാണ് കമ്പനി നൽകിയിരിക്കുന്നത്. ജൂണ്‍ 30 വരെ ഔഡിയുടെ എ 3 സെഡാന്‍ മുതല്‍ എ 8 പ്രീമിയം സെഡാന്‍ വരെയുള്ള മോഡലുകളായിരിക്കും വമ്പൻ വിലക്കുറവിൽ വിൽപ്പന നടത്തുക.

രാജ്യത്ത്‌ ചരക്കു സേവന നികുതി ജൂലായ് ഒന്നു മുതല്‍ പ്രാബല്യത്തില്‍ വരുന്നതോടെ ആഡംബര വാഹനങ്ങള്‍ക്ക് നികുതി വന്‍ തോതില്‍ കുറയുമെന്ന സാഹചര്യത്തിലാണ് ഔഡി ഇന്ത്യ കാറുകളുടെ വില കുറച്ചത്. എ 3 മോഡലിന് 50000 മുതല്‍ 1.5 ലക്ഷം വരെയും എ 8 മോഡലിന് 10 ലക്ഷം രൂപ വരെയുമാണ് വില കുറയുക. ഇത് കൂടാതെ കുറഞ്ഞ പലിശ നിരക്കും സൗജന്യ സര്‍വ്വീസ് പാക്കേജും ഔഡി ഇന്ത്യ വാഗ്ദാനം ചെയ്തിട്ടുണ്ട്.