പെരുമ്പിലാവ്:കാർ ലോറിയുമായി കൂട്ടിയിടിച്ചു കാറിലുണ്ടായിരുന്ന ഗർഭിണി ഉൾപ്പെടെ മൂന്നു പേർ മരിക്കുകയും ആറു പേർക്കു പരുക്കേൽക്കുകയും ചെയ്തു.ചമ്രവട്ടം മോതൂർ വട്ടംകുളം രാജേഷിന്റെ ഭാര്യ വിജിത (20), രാജേഷിന്റെ മുത്തശ്ശി പൊന്നു (60), രാജേഷിന്റെ അളിയൻ രാജന്റെ മകൻ നിധിൻ (ആറ്) എന്നിവരാണു മരിച്ചത്. രാജേഷ് തന്നെയാണ് കാർ ഓടിച്ചിരുന്നത്.
രാജേഷിന്റെ സഹോദരി രേഷ്മ, അമ്മ രാധിക, രാധികയുടെ സഹോദരി ജയന്തി, ബന്ധു ചമ്രവട്ടം കൊമ്പത്തുപറമ്പിൽ സന്തോഷിന്റെ മക്കളായ അമൃത, ശ്രീഹരി (ഒൻപത്) എന്നിവരെ പരിക്കുകളോടെ ആശുപത്രിയിൽ പ്രവേശിപ്പിച്ചു.ഒരു വിവാഹച്ചടങ്ങിൽ പങ്കെടുത്തു മടങ്ങുമ്പോഴായിരുന്നു അപകടം. എതിരെ വന്ന ടോറസ് ലോറിയിൽ കാർ ഇടിക്കുകയായിരുന്നു. മുൻസീറ്റിൽ ഇരുന്ന വിജിത കാറിന്റെ മുൻ ഗ്ളാസ് തകർന്നു റോഡിലേക്കു വീഴുകയായിരുന്നു.
Post Your Comments