ശ്രീനഗർ: ജമ്മു കശ്മീരിൽ ഭീകരുമായി ഏറ്റുമുട്ടൽ തുടരുന്നു. ഭീകരരുടെ നുഴഞ്ഞുകയറ്റ ശ്രമം ചെറുക്കുന്നതിനിടെ രണ്ടു സൈനികർ വീരമൃത്യു വരിച്ചു. വടക്കന്‍ കശ്മീരിലെ നൗഗാം സെക്ടറിലാണ് നുഴഞ്ഞുകയറ്റക്കാരുമായി ഏറ്റുമുട്ടല്‍ നടന്നത്. സൈന്യം നടത്തിയ തിരിച്ചടിയിൽ രണ്ടു ഭീകരർ കൊല്ലപ്പെടുകയും ചെയ്തു.
അതിർത്തിയിൽ നുഴഞ്ഞുകയറ്റ ശ്രമം തടയുന്നതിനിടെ രണ്ടു സൈനികർ വീരമൃത്യു വരിച്ചതായി സൈന്യം സ്ഥിരീകരിച്ചിട്ടുണ്ട്. രഹസ്യവിവരത്തിന്റെ അടിസ്ഥാനത്തിൽ സൈന്യം നടത്തിയ പരിശോധനയിലാണ് ഭീകരരുടെ നുഴഞ്ഞുകയറ്റ ശ്രമം കണ്ടെത്തിയത്.
Post Your Comments