ആറ്റിങ്ങൽ: ഫെയ്സ് ബുക് വഴി സൗഹൃദത്തിലായ യുവതിയെ ഭീഷണിപ്പെടുത്തി പീഡിപ്പിച്ച യുവാവ് അറസ്റ്റിൽ.മടവൂർ പുലിയൂർക്കോണം ഷീജാമൻസിലിൽ ഷിജു(35) വിനെയാണ് ആറ്റിങ്ങൽ പോലീസ് അറസ്റ്റ് ചെയ്തത്.കടയ്ക്കലിൽ ആധുനികരീതിയിൽ ജെൻസ് ബ്യൂട്ടിപാർലർ നടത്തുന്നയാളാണ് ഇയാൾ. ഇയാൾ വിവാഹിതനും രണ്ടുകുട്ടികളുടെ പിതാവുമാണ്.
ഫെയ്സ് ബുക് വഴി പരിചയപ്പെട്ട യുവതിയുമായി അടുത്ത സൗഹൃദം കൂടിയ ഇയാൾ ഒരുദിവസം യുവതിയെ വർക്കല ബീച്ചിലേക്ക് ക്ഷണിക്കുകയും പെൺകുട്ടി അറിയാതെ ഇയാൾ ഇരുവരുമൊത്തുള്ള ഫോട്ടോ എടുക്കുകയുമായിരുന്നു. തുടർന്ന് ഫോട്ടോകൾ ഫേസ്ബുക്കിലിടുമെന്നു ഭീഷണിപ്പെടുത്തി പെൺകുട്ടിയെ പല സ്ഥലങ്ങളിലെത്തിച്ചു പീഡിപ്പിക്കുകയായിരുന്നുവെന്നു പൊലീസ് പറഞ്ഞു.
ഇയാളുടെ ശല്യം സഹിക്കാതെ യുവതി പോലീസിൽ പരാതിപ്പെടുകയായിരുന്നു. ഇയാൾ മുൻപും പെൺകുട്ടികളെ ഇത്തരത്തിൽ ചതിയിൽ പെടുത്തി പീഡിപ്പിച്ചിട്ടുണ്ടെന്ന് പോലീസ് പറയുന്നു. പ്രതിയെ റിമാൻഡ് ചെയ്തു.
Post Your Comments