പുണെ: എയര്‍ ഇന്ത്യ വിമാനം റണ്‍വേയില്‍ നിന്ന് തെന്നിമാറി. പൂണെ വിമാനത്താവളത്തിൽ വച്ചാണ് വിമാനം തെന്നിമാറിയത്. തലനാരിഴയ്‌ക്കാണ് വൻ അപകടം ഒഴിവായത്. ഇന്ന് വൈകിട്ട് ഡൽഹിയിൽ നിന്നെത്തിയ എ.എല്‍ 849 വിമാനം ലാന്‍ഡ് ചെയ്യുന്നതിനിടെയാണ് റണ്‍വെയില്‍ നിന്നും തെന്നിമാറിയത്.
ഉടൻ തന്നെ യാത്രക്കാരെയെല്ലാം എമര്‍ജെന്‍സി എക്‌സിറ്റ് വഴി പുറത്തിറക്കി. വിമാനത്തില്‍ 152 യാത്രക്കാരാണ് ഉണ്ടായിരുന്നത്. സംഭവത്തെ തുടര്‍ന്ന് റണ്‍വേ അടച്ചിട്ടിരിക്കുകയാണ്. വിമാനത്തിലെ യാത്രക്കാരെല്ലാം സുരക്ഷിതരാണെന്നും ആർക്കും പരുക്കേറ്റിട്ടില്ലെന്നും അധികൃതര്‍ അറിയിച്ചു.
Post Your Comments