മലപ്പുറം• കഴിഞ്ഞ വ്യാഴാഴ്ച പെരിന്തൽമണ്ണ വലിയങ്ങാടിയിൽ വെച്ച് ബൈക്കിൽ നിന്ന് വീണ് പരിക്കേറ്റ് കിംസ് അൽശിഫ ആശുപത്രിയിൽ ചികിത്സയിലായിരുന്ന പട്ടിക്കാട് ചുങ്കത്തെ ലൈഫ് & സ്റ്റൈൽ ടൈലറിംഗ് ഉടമ തയ്യിൽ സക്കറിയയുടെ മകൾ ഫസീല (19) മരണപ്പെട്ടു.
പുലാമന്തോൾ തിരുത്തിലെ പാലിക്കിരി ഇസ്മയിലിന്റെ ഭാര്യയാണ്. പൂപ്പലം അൽജാമിയ ആർട്ട്സ് & സയൻസ് കോളേജിലെ ബി.എ.ഇംഗ്ലീഷ് ഒന്നാം വർഷ ഡിഗ്രി വിദ്യാർത്ഥിനിയാണ്. റിയാദിൽ നിന്ന് ലീവിൽ നാട്ടിൽ വന്ന ഇസ്മയിലും ഫസീലയും തമ്മിലുള്ള വിവാഹം നടന്നിട്ട്
രണ്ട് മാസം തികയാൻ ഏതാനും ദിവസങ്ങൾ കൂടി ബാക്കിയുണ്ട്.
മാതാവ്: പൂക്കുന്നം സാജിദ (പുത്തനഴി)13 കാരി ഹിബ ഏക സഹോദരിയാണ്.
പെരിന്തൽമണ്ണ പോലീസിന്റെ ഇൻക്വസ്റ്റിന് ശേഷം മൃതദേഹം പെരിന്തൽമണ്ണ
സർക്കാർ ആശുപത്രി മോർച്ചറിയിലേക്ക് മാറ്റി. പോസ്റ്റ്മോർട്ടം നാളെ രാവിലെ. ശേഷം ശാന്തപുരം മഹല്ല് ഖബർസ്ഥാനിൽ ഖബറടക്കും.
Post Your Comments