ന്യൂഡല്‍ഹി : ആഡംബര സൗകര്യങ്ങളുമായി ഒരു ട്രെയിന് യാത്ര യാഥാര്‍ത്ഥ്യമാകുന്നു. മുംബൈയില്‍ നിന്നും ഗോവയിലേയ്ക്കുള്ള തേജസ് എക്‌സ്പ്രസ്സിലാണ് അത്യാധുനിക ആഡംബര സൗകര്യങ്ങളുമായി യാത്ര ഒരുങ്ങുന്നത്.
യാത്രക്കാര്‍ക്കായി കോഫീ-ടീ മെഷീനുകളും, എല്‍.സി.ഡി ടിവികളും എല്ലാ കോച്ചുകളിലും ഏര്‍പ്പെടുത്തിയിട്ടുണ്ട്.
മെട്രോട്രെയിനുകളിലേത് പോലെ ഓട്ടോമാറ്റിക് ഡോറുകളാണ് ഈ ട്രെയിനിന്റെ മറ്റൊരു പ്രത്യേകത. 20 കോച്ചുകളാണ് തേജസ് എക്‌സ്പ്രസ്സിലുള്ളത്.
യാത്രക്കാര്‍ക്കായി മാഗസിനുകളും, സ്‌നേക്ക്‌സ് ടേബിളുകളും റെയില്‍വേ പ്രത്യേകമായി ഒരുക്കിയിട്ടുണ്ട്. ജൈവ- വാക്വം ടോയ്‌ലറ്റാണ് മറ്റൊരു പ്രത്യേകത.
യാത്രക്കാര്‍ക്ക് ഇഷ്ട ഭക്ഷണ വിഭവങ്ങള്‍ക്കായി സെലിബ്രിറ്റി ഷെഫുകളേയും ഏര്‍പ്പെടുത്തിയിട്ടുണ്ട്. എല്‍.സി.ഡി ടി.വിയില്‍ വിനോദ പരിപാടികള്‍ക്കു പുറമെ വിവിധ-ട്രെയിനുകളുടെ സമയ വിവരവും പുറപ്പെടുന്ന സ്റ്റേഷനുകളേയും കുറിച്ച് വിശദമായ വിവരങ്ങള്‍ നല്‍കുന്നുണ്ട്. എല്ലാ കോച്ചുകളിലും 24 മണിക്കൂറും വൈ-ഫൈ സൗകര്യവും ഏര്‍പ്പെടുത്തിയിട്ടുണ്ട്.
വിദേശത്തെ മെട്രോട്രെയിനുകളില്‍ കാണുന്ന സൗകര്യങ്ങളാണ് തേജസ് എക്‌സ്പ്രസ്സില്‍ ഏര്‍പ്പെടുത്തിയിരിക്കുന്നതെന്ന് റെയില്‍വെ മന്ത്രാലയം അറിയിച്ചു.
Post Your Comments