സെൽഫിപ്രേമികൾക്കായി വിവോ വി5എസ് ഇന്ത്യയിലേക്ക്

ചൈനീസ് നിർമാതാക്കളായ വിവോ തങ്ങളുടെ പുതിയ ഫോണായ വി5എസ് ഇന്ത്യയിൽ അവതരിപ്പിച്ചു. 18,990 രൂപയാണ് ഇന്ത്യയിലെ വില. മൂണ്‍ലൈറ്റ് ഗ്ലോ’ ഫ്രണ്ട് ലൈറ്റിനോടൊപ്പം 20 മെഗാപിക്‌സല്‍ ഫ്രണ്ട് ക്യാമറയുമായാണ് ഫോൺ എത്തുന്നത്. മെയ് ആറു മുതല്‍ ഫോൺ ലഭ്യമായി തുടങ്ങും. ഫോണിനായുള്ള പ്രീ ബുക്കിങ് ആരംഭിച്ചിട്ടുണ്ട്.

5.5 ഇഞ്ച് ഡിസ്‌പ്ലേയുമായി എത്തുന്ന വി5എസിന് 4 ജിബിയുടെ റാമും 64 ജിബി ഇന്റേണല്‍ സ്‌റ്റോറേജുമുണ്ട്. 13 മെഗാപിക്‌സലാണ് റിയർ ക്യാമറ. 1.5 ഗിഗാഹെര്‍ട്‌സ് ഒക്ടാ-കോര്‍ പ്രൊസസര്‍, 3000 എംഎഎച്ച് ബാറ്ററി എന്നിവയാണ് പ്രത്യേകതകൾ. ആന്‍ഡ്രോയ്ഡ് 6.0 മാര്‍ഷ്‌മെലോ ഒഎസിലാണ് ഫോൺ പ്രവർത്തിക്കുന്നത്. സെൽഫി പ്രേമികളെ ലക്ഷ്യമിട്ടാണ് വിവോ വി5എസ് എത്തിയിരിക്കുന്നത്.