ന്യൂഡല്‍ഹി: തുടര്‍ച്ചയായി ആംആദ്മി പരാജയം നേരിട്ടുക്കൊണ്ടിരിക്കുകയാണെന്ന് ബിജെപി നേതാവ് മനോജ് തീവാരി. തെറ്റു സംഭവിച്ചതിന്റേയും ക്ഷമ പറഞ്ഞതിന്റേയും പേരിലുള്ള റെക്കോര്‍ഡ് മുഖ്യമന്ത്രി അരവിന്ദ് കെജ്രിവാളിനെന്നും അദ്ദേഹം പരിഹസിച്ചു.
നിങ്ങള്‍ പിന്നിലേക്ക് തിരിഞ്ഞു നോക്കുക, ലോക്സഭ തെരഞ്ഞെടുപ്പില്‍ മത്സരിച്ച കാലം മുതല്‍ നിങ്ങള്‍ തെറ്റുകള്‍ ആവര്‍ത്തിച്ചുകൊണ്ടേയിരിക്കുന്നു. അധികാരത്തിലേറി 49 ദിവസം മുതല്‍ നിങ്ങള്‍ മനപൂര്‍വ്വം തെറ്റുകള്‍ ഉണ്ടാക്കുകയും മാപ്പു പറയാന്‍ തിരക്കുകൂട്ടുകയും ചെയ്യുകയാണ്. കഴിഞ്ഞ രണ്ടു മാസങ്ങളായി പരാജയങ്ങളുടേയും തിരിച്ചടികളുടേയും തുടര്‍ച്ചയാണ് ആം ആദ്മി നേരിടുന്നത്.
പ്രതീക്ഷയിലും കുറഞ്ഞ പ്രകടനമാണ് പഞ്ചാബില്‍ ആപ്പിന് കാഴ്ച വയ്ക്കാന്‍ സാധിച്ചത്. ഗോവയില്‍ ആം ആദ്മി വട്ടപ്പൂജ്യമായി. ഡല്‍ഹിയില്‍ നടന്ന തെരഞ്ഞെടുപ്പിലും ദയനീയമായ തോല്‍വിയാണ് ആപ്പിന് നേരിടേണ്ടി വന്നതെന്നും മനോജ് തീവാരി വ്യക്തമാക്കി.
Post Your Comments