അഹമ്മദാബാദ് : തിരക്കേറിയ റോഡ് തടഞ്ഞ് സിംഹക്കൂട്ടം. ഗുജറാത്തിലെ പിപവാവ് – രജുല ദേശീയ പാതയിലാണ് സിംഹക്കൂട്ടം നിരന്നത്. വാഹനത്തിലെ ഡ്രൈവര്‍മാര്‍ സോഷ്യല്‍ മീഡിയയില്‍ പോസ്റ്റ് ചെയ്ത സിംഹക്കൂട്ടത്തിന്റെ വിഡിയോ വൈറലാകുകയാണ്. ശനിയാഴ്ച രാത്രി സിംഹങ്ങള്‍ കൂട്ടമായി റോഡിലേക്ക് ഇറങ്ങിയതോടെ, ഗുജറാത്ത് ദേശീയ പാതയിലെ ഗതാഗതം താത്കാലികമായി സ്തംഭിക്കുകയായിരുന്നു.
ദേശീയ പാതയിലെത്തിയ സിംഹങ്ങള്‍, വാഹനങ്ങളുടെ ബാഹുല്യം കാരണം റോഡിന്റെ മറുപുറം കടക്കാനാകാതെ നില്‍ക്കുകയായിരുന്നു. തുടര്‍ന്ന് കുറച്ചുനേരം പ്രദേശത്തെ വാഹന ഗതാഗതം നിര്‍ത്തിവെച്ചാണ് സിംഹങ്ങള്‍ക്ക് വഴിയൊരുക്കിയത്.
Post Your Comments