നാല് വര്‍ഷത്തിനു ശേഷം ഭാര്യ മരിച്ച അതേ സ്ഥലത്ത് ഭര്‍ത്താവും മരിച്ചു

കോഴിക്കോട് : നാലു വർഷം മുൻപ് ഭാര്യ വാഹനമിടിച്ചു മരിച്ച അതേസ്ഥലത്തുണ്ടായ അപകടത്തിൽ ഭർത്താവും മരിച്ചു. മൂന്നിനു രാത്രി ഒൻപതോടെ കണ്ണൂർ‌ റോഡിൽ കനകാലയ ബാങ്കിനു സമീപം ‘സീ ഷെൽസി’ൽ അപകടത്തിൽ പരുക്കേറ്റ് ചികിത്സയിലിരുന്ന സാമുവൽ കെ. ജോൺ ആണ് മരിച്ചത്.

നാലു വർഷം മുൻപ് ഇതേ സ്ഥലത്തു സീബ്രാ വരിയിലൂടെ റോഡ് മുറിച്ചു കടക്കവെയാണ് സാമുവൽ കെ. ജോണിന്റെ ഭാര്യ എസ്മി സാമുവലിനെ വാഹനമിടിച്ചത്. ചികിത്സയിലായിരുന്ന അവർ മൂന്നാം ദിവസം മരിച്ചു. പാലക്കാട് സിഎസ്ഐ സ്റ്റുഡന്റ്സ് ഹോം വാർഡനായിരുന്നു.