ഷാർജ: ഷാർജയിലെ അല്‍ അറൂബ സ്ട്രീറ്റിലെ അല്‍ മനാമ സൂപ്പര്‍ മാര്‍ക്കറ്റ് പ്രവര്‍ത്തിക്കുന്ന കെട്ടിടത്തിൽ തീപിടിത്തം. കെട്ടിടത്തിന്റെ രണ്ട് നിലകള്‍ കത്തി നശിച്ചു. തീപ്പിടിത്തത്തിന്റെ കാരണം വ്യക്തമല്ല. ഇന്ത്യന്‍ സമയം രാത്രി 12.15 ഓടെയാണ് സംഭവം. സമീപ കെട്ടിടങ്ങളില്‍ നിന്ന് ആളുകളെ പൂര്‍ണമായും ഒഴിപ്പിച്ചു. കനത്ത പുക പ്രദേശത്ത് പടര്‍ന്നിരിക്കുകയാണ്. കനത്ത പുക കാരണം തീയണയ്ക്കാനുള്ള ശ്രമം ദുഷ്‌കരമായിരുന്നു.
മൂന്നുമണിക്കൂര്‍ നേരത്തേക്ക് ആളുകളെ പ്രദേശത്തേക്ക് എത്തുന്നതില്‍ നിന്ന് വിലക്കിയിട്ടുണ്ട്. ആളപായം ഉണ്ടായതായി റിപ്പോര്‍ട്ടുകളില്ല. അവധി ദിവസമായതിനാൽ ഇവിടെ താമസിക്കുന്ന പലരും പുറത്ത് പോയതിനാലാണ് വൻ അപകടം ഒഴിഞ്ഞത്. നൂറുമീറ്റര്‍ ചുറ്റളവിലുള്ള എല്ലാവരെയും സമീപത്തെ ഹോട്ടലുകളിലേക്ക് മാറ്റിപാർപ്പിച്ചിട്ടുണ്ട്.
Post Your Comments