ലണ്ടൻ : വിമാന ജീവനക്കാരിയോട് മോശമായി പെരുമാറിയ പാക് വംശജനായ ബ്രിട്ടീഷ് പൗരൻ പിടിയിൽ. ബുധനാഴ്ച ഇസ്ലാമാബാദിൽ നിന്ന് ബിർമിംഗ്ഹാമിലേക്കുള്ള പാക്കിസ്ഥാൻ ഇന്‍റർനാഷണൽ എയർലൈൻസ് വിമാനത്തിലാണ് സംഭവം.
വിമാനത്തില്‍ യാത്ര ചെയ്തിരുന്ന പാക് വംശജരായ അഞ്ചംഗ സംഘത്തിൽ ഒരാളാണ് പിടിയിലായത്. വിമാനത്തിലെ ശുചിമുറിയിൽ ഇരുന്നു ഇവർ പുകവലിക്കുന്നത് കണ്ട ജീവനക്കാരി താക്കീത് നൽകിയതോടെയാണ് ഇവരില്‍ ഒരാൾ അസഭ്യവർഷം നടത്തുകയും അപമര്യാദയായി പെരുമാറുകയും ചെയ്‌തത്‌. ഇക്കാര്യം ജീവനക്കാരി പൈലറ്റിന്‍റെ ശ്രദ്ധയിൽപ്പെടുത്തി. ശേഷം പോലീസിനെ വിവരമറിയിക്കുകയായിരുന്നു. സംഭവത്തെക്കുറിച്ച് അന്വേഷിണം ആരംഭിച്ചെന്ന് പിഐഎ വക്താവ് ദൻയാൽ ഗിലാനി പറഞ്ഞു.
Post Your Comments