കൊൽക്കത്ത ; ബസ് ബൈക്കിലിടിച്ച് അച്ഛനും മകൾക്കും ദാരുണാന്ത്യം. പശ്ചിമ ബംഗാളിലെ ഹൗറ ജില്ലയിലെ മൗഖലിക്കിന് സമീപമായിരുന്നു അപകടം നടന്നത്. സ്വകാര്യ ബസ് ബൈക്കിലിടിച്ച് നയിം അൻസാരി(52) മകൾ നേഹ അൻസാരി(22) എന്നിവരാണ് മരിച്ചത്. അമിത വേഗത്തിൽ എത്തിയ ബസ് ഇരുവരും സഞ്ചരിച്ചിരുന്ന ബൈക്കിനെ ഇടിച്ച് തെറുപ്പിക്കുകയായിരുന്നു.
ഇരുവരേയും ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അപകടം നടന്ന ശേഷം ഡ്രൈവർ ഓടി രക്ഷപ്പെട്ടു. ഇയാൾക്ക് വേണ്ടി തെരച്ചിൽ ആരംഭിച്ചെന്നും ബസ് പിടിച്ചെടുത്തതായും പോലീസ് പറഞ്ഞു.
Post Your Comments