പാലക്കാട്: നാലാം ക്ലാസ് വിദ്യാര്‍ത്ഥിനി ആത്മഹത്യ ചെയ്തു. പാലക്കാട് വാളയാളറിന് സമീപം അട്ടപ്പളത്താണ് സംഭവം. അട്ടളം എയുപി സ്‌കൂളിലെ വിദ്യാര്‍ത്ഥിനിയെയാണ് തൂങ്ങിമരിച്ച നിലയില്‍ കണ്ടെത്തിയത്.
കഴിഞ്ഞ ജനുവരിയില്‍ പെണ്‍കുട്ടിയുടെ സഹോദരിയെ മരിച്ച നിലയില്‍ കണ്ടെത്തിയിരുന്നു. ആ കേസില്‍ ഇതുവരെ വ്യക്തത വന്നിട്ടില്ല. സംഭവ ദിവസം വീട്ടില്‍ നിന്നും ഒരാള്‍ ഇറങ്ങിപ്പോകുന്നത് കണ്ടതായി മരിച്ച നാലാം ക്ലാസുകാരി നേരത്തേ മൊഴി നല്‍കിയിരുന്നു.
ഇതിനുപിന്നാലെയാണ് പെണ്‍കുട്ടിയെ മരിച്ച നിലയില്‍ കണ്ടെത്തിയിരിക്കുന്നത്. സംഭവത്തില്‍ ദുരൂഹതയുണ്ടെന്ന് നാട്ടുകാര്‍ പറയുന്നു. രണ്ടാനച്ഛനും അമ്മയ്ക്കുമൊപ്പമായിരുന്നു പെണ്‍കുട്ടി താമസിച്ചിരുന്നത്. പോലീസ് കേസന്വേഷണം ഊര്‍ജിതമാക്കിയിട്ടുണ്ട്.
Post Your Comments