വിതുര: ബസില്‍ നിന്ന് ലഭിച്ച ഒരുലക്ഷം രൂപ യാത്രക്കാരന് തിരിച്ചുനല്‍കി കണ്ടക്ടര്‍ മാതൃകയായി. പണം മടക്കി നൽകിയത് കെ.എസ്.ആര്‍.ടി.സി. വിതുര ഡിപ്പോയിലെ കണ്ടക്ടര്‍ എം.കെ.ശിവകുമാറാണ്. ഇദ്ദേഹം വിതുര ഡിപ്പോയില്‍ നിന്ന് ഈരാറ്റുപേട്ടയിലേക്ക് തിരിച്ച ആര്‍.പി.സി. അറുപത്തിയൊന്നാം നമ്പര്‍ ബസിലെ കണ്ടക്ടറായിരുന്നു.
അടൂരിനും കോട്ടയത്തിനുമിടയ്ക്കുവച്ച് പ്ലാസ്റ്റിക് കവറില്‍ പൊതിഞ്ഞനിലയിലാണ് പണം കണ്ടക്ടറുടെ ശ്രദ്ധയില്‍പ്പെട്ടത്. അടൂരില്‍ നിന്ന് കയറി കോട്ടയത്ത് ഇറങ്ങിയ യാത്രക്കാരന്റേതായിരുന്നു പണം. ഇതിനിടയില്‍ പണം നഷ്ടപ്പെട്ട യാത്രക്കാരന് ടിക്കറ്റില്‍ നിന്ന് വിതുര ഡിപ്പോയില്‍ വിളിച്ച് ബസ് കണ്ടക്ടറുടെ മൊബൈല്‍ നമ്പര്‍ വാങ്ങി വിളിച്ചു. പണം സുരക്ഷിതമായി ലഭിച്ചിട്ടുണ്ടെന്ന് കണ്ടക്ടര്‍ അറിയിച്ചു. തൊട്ടടുത്ത ഏറ്റുമാനൂര്‍ ഡിപ്പോയിലെത്തിയ യാത്രക്കാരന് സ്റ്റേഷന്‍മാസ്റ്ററുടെ സാന്നിധ്യത്തില്‍ പണം കൈമാറുകയായിരുന്നു.
Post Your Comments