ബാഗ്ദാദ്•ഐ.എസിന് വന്‍ തിരിച്ചടി നല്‍കി ഇറാഖ് സൈന്യം. മൊസൂൾ വിമാനത്താവളം ഐ.എസില്‍ നിന്നും സൈന്യം തിരിച്ചുപിടിച്ചു. യു.എസ് സഖ്യസേനയുടെ സഹായത്തോടെ നടത്തിയ പോരാട്ടത്തിനൊടുവിലാണ് ഇറാഖ് സൈന്യം വിമാനത്താവളത്തില്‍ പ്രവേശിച്ചത്. വിമാനത്താവള കെട്ടിടത്തിനുള്ളിൽ കേന്ദ്രീകരിച്ച ഐ.എസ് ഭീകരരെ സൈന്യം വളഞ്ഞ് വെടിവയ്ക്കുകയായിരുന്നു. ആയിരത്തോളം സൈനികരും പീരങ്കിപ്പടയും വ്യോമസേനയും യുദ്ധത്തിൽ പങ്കെടുത്തു. യുദ്ധത്തിനിടെ ഒരു ഇറാഖ് സൈനികന്‍ കുഴിബോംബ്‌ പൊട്ടികൊല്ലപ്പെട്ടു. നിരവധിപേര്‍ക്ക് പരിക്കേറ്റു.
ഐ.എസ് വിമാനത്താവളത്തിന്‍റെ റൺവേ നശിപ്പിച്ചിരുന്നു. വിമാനത്താവളത്തിന്‍റെ നിയന്ത്രണം നഷ്ടമായതോടെ ഐ.എസ് ഭീകരർ തൊട്ടടുത്ത സൈനിക കേന്ദ്രത്തിലേക്ക് കടന്നുകയറി. ഇവിടെ ഏറ്റുമുട്ടൽ തുടരുകയാണ്. കഴിഞ്ഞ മാസം കിഴക്കൻ മൊസൂളിന്‍റെ നിയന്ത്രണം സൈന്യം തിരിച്ചുപിടിച്ചിരുന്നു.
Post Your Comments