നടിയ്ക്കെതിരായ ആക്രമണം: ഒറ്റപ്പെട്ട സംഭവമെന്ന് കോടിയേരി

ന്യൂഡൽഹി•കൊച്ചിയിൽ നടിയെ ആക്രമിച്ച സംഭവം ഒറ്റപ്പെട്ടതാണെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. ഇതുകൊണ്ട് ക്രമസമാധാനം തകർന്നുവെന്ന് പറയാൻ സാധിക്കില്ല. കഴിഞ്ഞ അഞ്ചു വർഷത്തെക്കാൾ മെച്ചപ്പെട്ട ക്രമസമാധാന നിലയാണ് നിലവിൽ കേരളത്തിലുള്ളതെന്നും കോടിയേരി പറഞ്ഞു.

മുൻ മുഖ്യമന്ത്രി ഉമ്മൻചാണ്ടിയേക്കാൾ കരുത്ത് തനിക്കാണെന്ന് സ്ഥാപിക്കാനാണ് പ്രതിപക്ഷ നേതാവ് രമേശ് ചെന്നിത്തല ശ്രമിക്കുന്നതെന്നും കോടിയേരി കൂട്ടിച്ചേര്‍ത്തു.