ആലപ്പുഴ: നടി ഭാവനയ്ക്ക് നേരെയുള്ള അക്രമത്തിൽ പ്രതിഷേധങ്ങൾ കനക്കുന്നതിനിടെ ആലപ്പുഴയിലും സമാനമായ സംഭവം റിപ്പോർട്ട് ചെയ്യുന്നു. ഷൂട്ടിങ് കഴിഞ്ഞ ശേഷം മുറിയിൽ വിശ്രമിക്കുകയായിരുന്ന നടിയെ ഹോട്ടൽ ജീവനക്കാരൻ പീഡിപ്പിക്കാൻ ശ്രമിച്ചുവെന്നാണ് റിപ്പോർട്ട്. കാർഡ് ഉപയോഗിച്ചു തുറക്കുന്ന വാതിലിന്റെ ഡ്യൂപ്ലിക്കേറ്റുമായി മുറി തുറന്നായിരുന്നു അതിക്രമം. ഉറക്കത്തിലായിരുന്ന നടിയെ ജീവനക്കാരൻ കടന്നു പിടിക്കുകയായിരുന്നു. എന്നാൽ നടി ഉടൻ മുറിക്ക് പുറത്തേക്കോടി രക്ഷപെടുകയായിരുന്നു. ബഹളം കേട്ട് നടിയുടെ സഹപ്രവർത്തകരും ഹോട്ടൽ ജീവനക്കാരും ഒത്തുകൂടി പ്രതിയെ പിടികൂടുകയാണുണ്ടായത് . സംഭവത്തിൽ നടിയുടെ പരാതിയെ തുടർന്ന് ആലപ്പുഴ സൗത്ത് പോലീസ് കേസെടുത്തിട്ടുണ്ട്.
Post Your Comments