മുഖ്യമന്ത്രിയുടെ ഉപദേഷ്ടാവും ഡോ.ലക്ഷ്മിനായരും പഠന വിവാദത്തില്‍

തിരുവനന്തപുരം: ലോ അക്കാദമി ലോ കോളേജിൽ ലക്ഷ്മി നായർ ഒരേ സമയം ഹിസ്റ്ററി അധ്യാപികയും എൽഎൽബി വിദ്യാർത്ഥിനിയും ആയിരുന്നുവെന്ന് റിപ്പോർട്ട്. എൽഎൽ ബി വിദ്യാർത്ഥിനിയായിരിക്കെ മറ്റൊരു യൂണിവേഴ്‌സിറ്റിയിൽ നിന്നാണ് ഇവർ എം.എ ബിരുദം നേടിയത്. 1986 ൽ ബിഎ ഹിസ്റ്ററി പാസായ ലക്ഷ്മി 83- 84 ൽ ആദ്യമായി തുടങ്ങിയ പഞ്ചവത്സര എൽഎൽബി കോഴ്‌സിൽ മൂന്നാം വർഷം ലാറ്ററൽ എൻട്രിയെന്ന നിലയിൽ പ്രവേശനം നേടി. തുടർന്ന് ഇതേവർഷം തിരുപ്പതി വെങ്കിടേശ്വര സർവകലാശാലയിൽ വിദൂര വിദ്യാഭ്യാസം വഴി എം. എ ഹിസ്റ്ററിക്ക് രജിസ്റ്റർ ചെയ്തു. പരീക്ഷയെഴുതി 88ൽ പാസായ ശേഷം ലോ അക്കാദമിയിൽ ഹിസ്റ്ററി ഗസ്റ്റ് ലക്ച്ചറർ ആയി.