തിരുവനന്തപുരം : ലോ അക്കാദമി സമരം പെണ്‍ശക്തിയുടെ പ്രതീകമാണെന്ന് മുതിര്‍ന്ന കോണ്‍ഗ്രസ് നേതാവ് എ.കെ ആന്റണി. വിദ്യാര്‍ഥികളുടെ സമരവും ഉപവാസ സമരവും പൂര്‍ണമായും വിജയിക്കുമെന്നാണ് തന്റെ വിശ്വാസം. കേരളത്തില്‍ വളര്‍ന്നു വരുന്ന പെണ്‍കുട്ടികളുടെ കരുത്തിന്റെ പ്രതീകമാണ് ഈ സമരമെന്നും ആന്റണി പറഞ്ഞു. ലോ അക്കാദമിക്ക് മുന്നില്‍ നിരാഹാരം നടത്തുന്ന കെ മുരളീധരന്‍ എംഎല്‍എയെ സന്ദര്‍ശിക്കാനെത്തിയതായിരുന്നു ആന്റണി.
വിദ്യാര്‍ത്ഥി സമരവും ഉപവാസ സമരവും പൂര്‍ണ്ണമായും വിജയിക്കുമെന്നാണ് തന്റെ പ്രതീക്ഷ. വിദ്യാര്‍ഥികള്‍ക്ക് സര്‍ക്കാരില്‍നിന്ന് നീതി ലഭിക്കില്ലെന്ന് ഉറപ്പായതോടെയാണ് മുരളീധരന്‍ നിരാഹാര സമരം തുടങ്ങിയത്.
പ്രശ്നത്തെ രാഷ്ട്രീയ മുതലെടുപ്പിന് ഉപയോഗിക്കാന്‍ ശ്രമിക്കാതിരുന്ന അദ്ദേഹത്തിന്‍റെ പക്വതയെ അഭിനന്ദിക്കുന്നതായും ആന്റണി പറഞ്ഞു.
Post Your Comments