പറക്കുന്ന വിമാനത്തിനുള്ളിൽ തല്ലുണ്ടാക്കിയതിനെ തുടർന്ന് യാത്രക്കാരനെ പാതിവഴിയിൽ ഇറക്കിവിട്ടു. ഇതിനെത്തുടർന്ന് ബെയ്റൂട്ടിൽ നിന്ന് ലണ്ടനിലേക്കുള്ള വിമാനം ഇസ്തംബുളിൽ ഇറക്കി. മുതിർന്ന പൗരനായ സെഡ്.എ. ഷാ ഭാര്യയോടു കയർക്കുകയും സഹയാത്രികനായ ചെറുപ്പക്കാരനെ ഇടിക്കുകയും ചെയ്തതാണ് പ്രശ്നത്തിന് കാരണമായത്.
തർക്കം തീർക്കാനെത്തിയ വിമാനജോലിക്കാരിൽ ഒരാളെ ഇയാൾ പിടിച്ചു തള്ളുകയും അടിക്കുകയും ചെയ്‌തിരുന്നു. പിന്നീട് പലരും ഇടപെട്ട് പ്രശ്‌നം അവസാനിപ്പിച്ചെങ്കിലും കാര്യം തിരക്കി എയർഹോസ്റ്റസ് വന്നതോടെ വീണ്ടും ഇയാൾ സഹയാത്രികനെ ഇടിച്ചു. തുടർന്നാണ് വിമാനം ഇടയ്ക്കിറക്കാൻ പൈലറ്റ് തീരുമാനിച്ചത്. ഇസ്തംബുളിൽ ഇറക്കിയ വിമാനത്തിൽ നിന്ന് ഷായെ സുരക്ഷാജീവനക്കാർ എത്തിയാണ് പുറത്താക്കിയത്.
Post Your Comments