കൽക്കരി കുംഭകോണം: കോൺഗ്രസ് നേതാവ് നവീൻ ജിൻഡാലിനെതിരേ കോടതിയിൽ അന്തിമറിപ്പോർട്ട്

ന്യൂഡൽഹി: കൽക്കരി കുംഭകോണക്കേസിൽ കോൺഗ്രസ് നേതാവും വ്യവസായിയുമായ നവീൻ ജിൻഡാൽ, മുൻ കൽക്കരിവകുപ്പ് സഹമന്ത്രി ദസരി നാരായൺ റാവു, തുടങ്ങിയവർക്കെതിരെ സി ബി ഐ അന്തിമ റിപ്പോർട്ട് സമർപ്പിച്ചു. റിപ്പോർട്ട് നൽകുന്നത് വൈകുന്നുവെന്നാരോപിച്ച് നേരത്തേ കോടതി സി.ബി.ഐയെ വിമർശിച്ചിരുന്നു. ചാർട്ടേഡ് അക്കൗണ്ടന്റ് സുരേഷ് സിംഗാളിന്റെ വെളിപ്പെടുത്തലുകളുടെ പശ്ചാത്തലത്തിൽ കേസിൽ കൂടുതൽ അന്വേഷണം നടത്തുന്നതിനും കോടതി സി.ബി.ഐക്ക് അനുമതി നൽകിയിരുന്നു. സിംഗാളിനെ മാപ്പുസാക്ഷിയായി പരിഗണിച്ചിരുന്നു.