വീണ്ടും ഓഫർ പെരുമഴ: ഹാപ്പി ന്യൂ ഇയർ ഓഫർ അവസാനിക്കുന്നതോടെ പുതിയ പദ്ധതിയുമായി ജിയോ

സൗജന്യ ഓഫറുകൾ തീരുന്ന മുറയ്ക്ക് വമ്പൻ പദ്ധതികൾ അവതരിപ്പിക്കാനൊരുങ്ങി ജിയോ.1500 രൂപയിൽ താഴെ വിലവരുന്ന 4ജി ഫോണുകൾ ഉപഭോക്താക്കൾക്കായി അവതരിപ്പിക്കാൻ ജിയോ ഒരുങ്ങുന്നതായി റിപ്പോർട്ടുകൾ സൂചിപ്പിക്കുന്നു. വരുന്ന മൂന്നു മാസത്തിനകം ഇതു സംബന്ധിച്ച പ്രഖ്യാപനമുണ്ടാകും.

മുന്നിലും പിന്നിലും ക്യാമറാ സൗകര്യങ്ങളോട് കൂടിജിയോ ചാറ്റ്, ലൈവ് ടിവി അടക്കമുള്ള സേവനങ്ങൾ ലഭിക്കുന്നതാകും ഈ ഫോണുകൾ. ഇതിൽനിന്നു പരിധിയില്ലാതെ സൗജന്യ കോളുകളും വിളിക്കാവുന്ന ഓഫറും പ്രഖ്യാപിച്ചേക്കുമെന്നാണു റിപ്പോർട്ടുകൾ. കൂടാതെ ഹാപ്പി ന്യൂ ഇയർ ഓഫർ അവസാനിക്കുന്നതോടെ ആകർഷകമായ താരിഫ് നിരക്കുകളും ജിയോ പുറത്തിറക്കും