ആലപ്പുഴ : ആലപ്പുഴയില്‍ പട്ടാപ്പകല്‍ വിദേശ വിദ്യാര്‍ത്ഥിനിയെ ഇരുചക്രവാഹനത്തിലെത്തിയ ആള്‍ പീഡിപ്പിക്കാന്‍ ശ്രമിച്ചു. ആലപ്പുഴ നോര്‍ത്ത് പോലീസ് കേസെടുത്ത് പ്രതിക്കായി അന്വേഷണം തുടങ്ങി. രണ്ട് മാസം മുമ്പ് ആലപ്പുഴയില്‍ പഠിക്കാനെത്തിയ ഭൂട്ടാന്‍ സ്വദേശിനിയെയാണ് പീഡിപ്പിക്കാന്‍ ശ്രമിച്ചത്. രാവിലെ പത്തുമണിയോടെയായിരുന്നു സംഭവം.
രാവിലെ ഓഫീസിലേക്ക് നടന്നുവരുമ്പോള്‍ കറുത്ത നിറത്തിലുള്ള, 711 നമ്പര്‍ അവസാനിക്കുന്ന ബൈക്ക് മുന്‍ ഭാഗത്ത് നിന്ന് വേഗം കുറച്ച് വന്നു. വളരെ പെട്ടെന്ന് കുട്ടിയെ കടന്ന് പിടിച്ച ശേഷം സമീപത്തുള്ള ബാങ്കിന്റെ മുന്‍വശത്തുകൂടി കടന്നുപോവുകയായിരുന്നു എന്ന് പെണ്‍കുട്ടി പറഞ്ഞു. ആളെക്കണ്ടാല്‍ തനിക്ക് തിരിച്ചറിയാന്‍ കഴിയുമെന്നും രാജ്യത്തെ വിവിധ നഗരങ്ങളില്‍ താമസിച്ച തനിക്ക് ഇത്തരമൊരനുഭവം ആദ്യമായിട്ടാണെന്നും പെണ്‍കുട്ടി പറഞ്ഞു. പെണ്‍കുട്ടിയില്‍ നിന്ന് മൊഴിയെടുത്ത പോലീസ് എഫ്.ഐ.ആര്‍ രജിസ്റ്റര്‍ ചെയ്ത് പ്രതിയ്ക്കായി അന്വേഷണം തുടങ്ങി.
Post Your Comments